الوصفة دي بتقدم طريقة اسهل طريقة لعمل مكرونة بشاميل بدون فرن على البوتجاز تناسب العيد ورمضان، كل حاجة بتتعمل على البوتاجاز في صينية واحدة بس، وبأقل مجهود وأدوات.
 |
| مكرونة بشاميل من غير فرن اسهل طريقة |
طريقة عمل مكرونة بشاميل بدون فرن
الطريقة بتركز على السرعة والطعم الجميل من غير تعقيد، ومناسبة للي ما عندهمش فرن أو عايزين يخلّصوا بسرعة. هنا تلخيص الخطوات من خلال موقع اخبركم.
المكونات:
- - ملعقة سمنة كبيرة.
- - بصلة كبيرة مقطعة باليد (مش مفرومة ناعم).
- - نص صدر فرخة مقطع قطع صغيرة (أو لحمة مفرومة حسب الرغبة).
- - توابل: نص ملعقة صغيرة فلفل أسود، ملعقة صغيرة بهارات مشكلة، ملعقة صغيرة ملح (واختياري: كزبرة، بابريكا).
- - فلفل ألوان مقطع (اختياري).
- - ملعقة ونص كبيرة صلصة طماطم منزلية (طازة مش جاهزة).
- - كيس مكرونة 400 جرام.
مكونات البشاميل:
- - لتر لبن (4 كوبايات) + كوباية مية.
- - 5 ملاعق دقيق (ملعقة لكل كوباية).
- - ربع ملعقة صغيرة ملح.
- - ملعقة صغيرة سكر (اختياري لتوازن الطعم).
- - رشة فلفل أسود + رشة جوزة الطيب "اختياري".
- - ملعقة سمنة (تُضاف في الآخر).
 |
| مكرونة بشاميل اسهل طريقة تناسب العيد ورمضان |
خطوات عمل صينية مكرونة بشاميل على البوتجاز
1- تحمير البصل والحشوة:
- سخني ملعقة سمنة في الصينية على النار.
- ضيفي البصل المقطع وقلبيه لحد ما يبقى لونه ذهبي فاتح (مش غامق عشان يفضل خفيف على المعدة).
- ضيفي قطع الفراخ (أو اللحمة المفرومة) وقلبيهم على نار عالية لحد ما تتفكك وتتطعم بالبصل.
- ضيفي التوابل (فلفل أسود، بهارات، ملح) وهدّي النار.
- ضيفي فلفل الألوان (اختياري لو موجود) وقلبي 4 دقايق على نار هادية.
- ضيفي ملعقة ونص كبيرة صلصة طماطم وقلبي كويس.
2. إضافة المكرونة:
ضيفي كيس المكرونة (400 جرام) وقلبيها مع الحشوة دقيقتين عشان تتغلف بالمكونات والصوص (ده بيمنعها من انها تعجن).
3. تحضير البشاميل على البارد:
- في حلة، اخلطي اللبن (4 كوبايات) + كوباية مية + 5 ملاعق دقيق على البارد وقلبي كويس.
- ضيفي ربع ملعقة ملح، ملعقة سكر "اختياري"، رشة فلفل أسود، وبشرة جوزة الطيب "اختياري".
- سخني الخليط على النار مع التقليب المستمر لحد ما يغلي ويبقى قوامه كثيف.
- ضيفي ملعقة سمنة في الآخر للبشاميل وقلبي كويس.
4. طهي المكرونة في الصينية:
- رجعي الصينية على النار، ضيفي كوبايتين مية مغلية على المكرونة وقلبي.
- ضيفي نص كمية البشاميل وقلبي كويس، غطي الصينية (بغطا أو فويل) واتركيها تستوي على نار هادية جدًا 5 دقايق لحين امتصاص السوائل.
- قلبي المكرونة وتأكدي إنها مستوية (لو ناقصة تسوية، ضيفي نصف كوباية مية مغلية زيادة). المكرونة تكون تلات تربع سوا مش سوا كامل عشان ما تتهريش منك.
5. تغطية الوجه:
- وزعي نص كمية البشاميل الباقية على وش الصينية من غير تقليب.
- فى هذه المرحلة يمكنك تناولها بالهنا والشفا.
- خطوة اختيارية: رشة جبنة موزاريلا على الوجه وحطيها تحت الشواية دقيقتين للتلوين.
- او بيضة مخفوقة على الوش وحطيها تحت الشواية 3 دقائق للتلوين.
النتيجة:
أحلى صينية مكرونة بشاميل بدون فرن، وكمان جوسي يعنى البشاميل سايح من تحت ومتماسك من فوق، طعمها لذيذ وريحتها روعة. تقدري تاكليها سخنة على طول أو تسيبيها 5 دقايق تبرد وتتماسك أكتر.
ملاحظات:
- طريقة مكرونة بشاميل بدون فرن دي بتوفر وقت ومواعين، وكل حاجة بتتعمل في صينية واحدة على البوتاجاز.
- كمية المكونات مرنة، يعنى زيدي أو قللي الكمية حسب ذوقك.
- السكر في البشاميل بيخلي الطعم مميز، وجوزة الطيب بتضيف نكهة حلوة.
كذلك يمكنك مشاهدة الوصفة بالفيديو من هنا.
وصفة مكرونة بشاميل بدون فرن فعلاً وعلى البوتجاز سهلة وسريعة فعلاً، ومناسبة للي عايزين نتيجة حلوة بمجهود بسيط!.